Kudeaketa

Tolosaldea

Tolosaldeko hornidura sistema eraikitzen ari gara eta osatuko dute Ibiurgo urtegiak (Orendain-Baliarrain) eta Ibiurgo Edateko Uren Araztegiak (Ikaztegieta).

Sistemak edateko uraz hornituko ditu Ikaztegieta, Alegia, Altzo, Tolosa, Ibarra, Irura, Anoeta, Billabona, Asteasu, Zizurkil, Hernialde eta Andoain, 55.000 biztanle.

Ibiurgo urtegia

Ibiurgo urtegia ohiko hormigoiaz egina egongo da. Guztira, 7.500.000 m3 har ditzake, 70 metroko altuera du, 500 l/seg inguruko erregulazio almena du eta 25 km2-ko isurialde arroa du.

Ibiurgo E.U.A.

Ibiurgo Edateko Uren Araztegia da urtegitik datorren ura arazteko erabiliko den lekua. Arazteko ahalmena 330 l/seg da eta, urtero, eskualdeko udalerrietara 6.000.000.000 litro ur inguru banatuko dira. E.U.A.n, urei ematen zaien tratamenduak prozesu hauek izango ditu: preozonizazioa, erreaktiboekin nahasteko ganbera, dekantazioa, erdibideko ozonizazioa, iragazketa, fluorizazioa eta desinfekzioa.

Sistema osatzen da Amezketa, Lizartza, Berrobi, Eldua, Berastegi, Elduain eta Larraulgo E.U.A. txikiekin. Araztegi horietako bakoitzak bere udalerria edateko uraz hornitzen du eta 5 l/seg-eko arazte ahalmena du.

Gipuzkoako Urak berezko eta hirugarrenen cookieak erabiltzen ditu. Gure cookien politika onartzen baduzu edo nabigatzen jarraitzen baduzu, cookien instalazioa eta erabilera onartzen dituzu. Informazio gehiago HEMEN   Onartu