Bisita instalazioetara

Gipuzkoako Ur Kontsortzioak doako bisita gidatuen zerbitzu bat eskaintzen du urtegiak, edateko uren araztegiak eta Hondakin Uren Araztegiak bisitatzeko; horien inguruko material didaktiko osagarria ere eskaintzen du.

Bisitak adin guztietako taldeentzat dira; irakaskuntza arautukoak eta beste edozein motatakoak joan daitezke. Bisita horietan erakusten dena hezkuntza-ingurumen ikuspegitik erakusten da.

Gipuzkoako Ur Kontsortzioaren ustez, ekimen hau tresna baliotsua da gure lurraldeko uren kudeaketari buruzko datuak transmititzeko eta uraren kontsumo iraukorragoa bultzatzeko.

Bisitentzako arauak

• 50 ikasleko taldeak onartzen dira, gehienez.
• 20-50 ikasleko taldeek bi arduradun izan beharko dituzte gutxienez.
• Iraupena instalazio bakoitzean: 60-75 minutu.
• Eskaera hurrengo estekan egin beharko da:. Eskaera orria bete
• Segurtasun eta Osasun Arau Orokorrak irakurri beharko dira.
• Instalazio bakoitzak errespetatu beharreko bisita egun batzuk ditu (ikus ondorengo egutegia).